काठमाण्डाैं, असार ५ । गोकर्णेश्वर नगरपालिका–४, इटीचोकमा बिहीबार दिउँसो १ बजे सार्वजनिक बस दुर्घटना हुँदा एकजनाको मृत्यु भएको छ ।सुन्दरीजलबाट रत्नपार्क जाँदै गरेको बा१ख ८७४४ नम्बरको बस दुर्घटना हुँदा बसकै सहचालक सागर कुँवरको मृत्यु भएको प्रहरीले जनाएको छ ।
बसमा सवार अन्य २० जना घाइते भएको र उनीहरुको उपचार जोरपाटी, अत्तरखेलस्थित नेपाल मेडिकल कलेजमा भइरहेको महानगरीय प्रहरी वृत्त बौद्धका प्रहरी उपरीक्षक नरेन्द्र चन्दले बताए ।बस सडकबाट पाँच फिट तल खेतमा पल्टिएको थियो । चन्दकाअनुसार सवारीचालकलाई नियन्त्रणमा लिइएको छ ।
प्रतिक्रिया दिनुहोस्
