ह्याण्डबलमा नेपालको महिला टोली फाइनलमा प्रवेश

2019-12-07   खेलकुद

काठमाडौं  २१ मंसिर, । १३ औं सागको ह्याण्डबलमा नेपालको महिला टोली फाइनलमा प्रवेश गरेको छ ।

पोखरामा जारी प्रतियोगिताको शनिबार भएको सेमिफाइनलमा पाकिस्तानमाथि सनसनीपूर्ण जित निकाल्दै नेपाल फाइनलमा पुगेको हो ।

नेपाल २२/२१ को साँघुरो अन्तरले विजयी भयो । उमा राईले एक्लैले ११ गोल गरिन् ।

नेपालले स्वर्णपदकका लागि आइतबार भारतसंग फाइनल खेल खेल्नेछ ।

शनिबार नै भएको सेमिफाइनलमा भारतले बंगलादेशलाई ४१/१३ को फराकिलो अन्तरले पराजित गरेको हो ।